Ram Charan New Movie 2025 – Cast, Release Date & Full Details
Ram Charan New Movie 2025 details – star cast, release date, trailer, budget, and latest Telugu cinema updates.
టాలీవుడ్ స్టార్ యాక్టర్స్ లో ఒకరైన మెగా పవర్ స్టార్ రామ్ చరణ్ (Ram Charan) మూడేళ్ళ క్రితం జక్కన్న ఎస్ ఎస్ రాజమౌళి దర్శకత్వంలో తెరకెక్కిన RRR మూవీ ద్వారా ప్రేక్షకాభిమానుల ముందుకి వచ్చి దాని ద్వారా దేశవ్యాప్తంగా పెద్ద విజయం సొంతం చేసుకున్నారు.
ఈ మూవీలో తన తొలిసారిగా తన స్నేహితుడు యంగ్ టైగర్ ఎన్టీఆర్ (JrNtr) తో కలిసి రామ్ చరణ్ నటించారు. ఇక ఆ మూవీ లో చరణ్ అల్లూరి సీతారామరాజు పాత్రలో నటిస్తే ఎన్టీఆర్ కొమురం భీం పాత్ర చేసారు. ఇద్దరూ కూడా తమ తమ పాత్రల్లో ఎంతో ఒదిగిపోయి నటించి ఆకట్టుకున్నారు.
రామ్ చరణ్ కొత్త సినిమా – మెగా పవర్ స్టార్ తదుపరి ప్రాజెక్ట్
ముఖ్యంగా దర్శకధీరుడు ఎస్ ఎస్ రాజమౌళి ఆ మూవీని అద్భుతంగా తెరకెక్కించిన తీరుని గురించి ఎంత చెప్పుకున్నా తక్కువే అవుతుంది. డివివి ఎంటర్టైన్మెంట్స్ బ్యానర్ పై దానయ్య ఎంతో భారీ వ్యయంతో నిర్మించిన RRR మూవీ వరల్డ్ వైడ్ గా రూ. 1450 కోట్లు రాబట్టింది.
ఎం ఎం కీరవాణి సంగీతం అందించిన ఈ మూవీలో ఒలీవియా మోరిస్, అలిసన్ డూడి, రే స్టీవెన్సన్, సముద్రఖని, రాజీవ్ కనకాల, రాహుల్ రామకృష్ణ కీలక పాత్రలు చేసారు. ఇక ఈ మూవీ భారీ విజయంతో పాటు ఇందులోని Naatu Naatu సాంగ్ ఏకంగా ఆస్కార్ అవార్డు సొంతం చేసుకుని తెలుగు సినిమా ఖ్యాతిని ప్రపంచవ్యాప్తం చేసింది.
అక్కడి నుండి పలువురు విదేశీయులు, నటీనటులు, సాంకేతిక నిపుణులు ఈ మూవీ పై ప్రసంశల జల్లు కురిపించారు. ఆ విధంగా నటులుగా అటు ఎన్టీఆర్ ఇటు రామ్ చరణ్ ఇద్దరూ కూడా వరల్డ్ వైడ్ గా ఎంతో మంచి పేరు, క్రేజ్ సొంతం చేసుకున్నారు. అయితే ఈ మూవీ అనంతరం తన తండ్రి మెగాస్టార్ తో కలిసి రామ్ చరణ్ నటించిన మూవీ ఆచార్య.
ఈ మూవీని కొరటాల శివ తెరకెక్కించగా మ్యాట్నీ ఎంటర్టైన్మెంట్స్ సంస్థ తో కలిసి కొణిదెల ప్రొడక్షన్ సంస్థ పై స్వయంగా రామ్ చరణ్ ఎంతో భారీ వ్యయంతో దీనిని నిర్మించారు. అయితే రిలీజ్ అనంతరం ఆచార్య మూవీ ఏమాత్రం అంచనాలు అందుకోలేక బాక్సాఫీస్ వద్ద ఘోరంగా విఫలం అయ్యింది.
పూజా హెగ్డే హీరోయిన్ గా నటించిన ఈ మూవీలో బాలీవుడ్ నటుడు సోను సూద్ మెయిన్ విలన్ పాత్ర చేసారు. ఇక ఈ మూవీ అనంతరం రామ్ చరణ్ చేసిన మూవీ గేమ్ ఛేంజర్ (Game Changer). దాదాపుగా రెండున్నరేళ్ల పాటు షూటింగ్ సాగిన ఈ మూవీని శ్రీవెంకటేశ్వర క్రియేషన్స్ బ్యానర్ పై దిల్ రాజు భారీ స్థాయిలో నిర్మించగా తమిళ స్టార్ డైరెక్టర్ శంకర్ దీనిని తెరకెక్కించారు.
బాలీవుడ్ అందాల నటి Kiara Advani హీరోయిన్ గా నటించిన ఈ మూవీలో సముద్రఖని, రాజీవ్ కనకాల, అంజలి కీలక పాత్రలు చేయగా తమిళ నటుడు, దర్శకుడు ఎస్ జె సూర్య మెయిన్ విలన్ పాత్ర చేసారు. ఎస్ థమన్ సంగీతం అందించిన ఈ మూవీపై ప్రారంభం నాటి నుండి అందరిలో భారీ స్థాయి అంచనాలు నెలకొని ఉన్నాయి. అయితే ఈ ఏడాది సంక్రాంతి పండుగ కానుకగా రిలీజ్ అయిన ఈ మూవీ కూడా అంచనాలు అందుకోలేక బాక్సాఫీస్ వద్ద డిజాస్టర్ గా నిలిచింది.
అయితే రామ్ చరణ్ ఈ మూవీలో తాను పోషించిన రెండు పాత్రల్లో అద్భుతంగా పెర్ఫార్మ్ చేసి అందరి నుండి మంచి పేరు అందుకున్నారు. ముఖ్యంగా రెండవ భాగంలో వచ్చే అప్పన్న పాత్రలో చరణ్ నటన మరింత అద్భుతం అని చెప్పకతప్పదు. ఆకట్టుకునే విధంగా కథ, కథనాలు లేకపోవడం గేమ్ ఛేంజర్ ఘోర పరాజయానికి కారణాలుగా చెప్పవచ్చు.
RRR తర్వాత రామ్ చరణ్ నెక్స్ట్ మూవీ డిటైల్స్
ఇక ఆ మూవీ అనంతరం తాజాగా రామ్ చరణ్ చేస్తున్న మూవీ Peddi. ఈ మూవీలో Jahnvi Kapoor హీరోయిన్ గా నటిస్తుండగా బుచ్చిబాబు సన దర్శకత్వం వహిస్తున్నారు. మైత్రి మూవీ మేకర్స్, సుకుమార్ రైటింగ్స్, వ్రిద్ధి సినిమాస్ సంస్థల పై గ్రాండ్ గా వెంకట సతీష్ కిలారు గ్రాండ్ గా నిర్మిస్తున్నారు. స్పోర్ట్స్ యాక్షన్ డ్రామా మూవీగా యాక్షన్ తోపాటు ఎమోషనల్ అంశాల కలయికలో ఈ మూవీ తెరకెక్కుతోంది. కన్నడ స్టార్ యాక్టర్ శివరాజ్ కుమార్ తో పాటు Mirzapur WebSeries ఫేమ్ దివ్యేందు కీలక పాత్రలు చేస్తున్నారు.
ఇక ఈ మూవీకి ఆస్కార్ సంగీత దర్శకుడు ఏఆర్ రహమాన్ సంగీతం సమకూరుస్తున్నారు. ప్రారంభం నాటి నుండి అటు మెగా ఫ్యాన్స్ తో పాటు సాధారణ ప్రేక్షకుల్లో కూడా పెద్ది మూవీ పై ఎన్నో అంచనాలు నెలకొని ఉన్నాయి. ఇటీవల ఈ మూవీ నుండి రిలీజ్ అయిన ఫస్ట్ గ్లింప్స్ టీజర్ అందరినీ ఆకట్టుకుని మూవీ పై ఇప్పటివరకు ఉన్న అంచనాలు మరింతగా పెంచేసింది.
తాజాగా శ్రీలంకలో తాజాగా షెడ్యూల్ జరుపుకుంటున్న ఈ మూవీ నుండి త్వరలో ఫస్ట్ సాంగ్ ని రిలీజ్ చేసేందుకు టీమ్ సన్నాహాలు చేస్తోంది. కాగా ఇది డ్యూయెట్ సాంగ్ అని, అందరినీ ఈ సాంగ్ ఎంతో అలరిస్తుందని తాజాగా ఒక కార్యక్రమంలో భాగంగా దర్శకుడు బుచ్చిబాబు సన మాట్లాడుతూ చెప్పారు. హీరో రామ్ చరణ్, తనతో పాటు టీమ్ మొత్తం ఎంతో కష్టపడుతోందని, తప్పకుండా రిలీజ్ అనంతరం పెద్ది పెద్ద విజయం ఆదుకోవడం ఖాయమని ఆయన ఆశాభావం వ్యక్తం చేసారు.
ఇక ఈ మూవీలో మెగాపవర్ స్టార్ రామ్ చరణ్ ఒక మాస్ పాత్ర చేస్తున్నారు. సుకుమార్ దర్శకత్వంలో ఆయన చేసిన రంగస్థలం అనంతరం తాజాగా పెద్దిలో చేస్తున్న ఈ పాత్ర నటుడిగా ఆయనకి మరింత మంచి పేరు తీసుకువస్తుందని అంటున్నాయి సినీ వర్గాలు. ఇక పెద్ది మూవీని అన్ని కార్యక్రమాలు ముగించి వచ్చే ఏడాది వేసవి కానుకగా మార్చి 27న విడుదల చేయనున్నారు. అయితే రిలీజ్ డేట్ ని ఒకరోజు ముందుకు తీసుకువచ్చే అవకాశం ఉందని కూడా చెప్పారు దర్శకుడు బుచ్చిబాబు.
మొత్తంగా మరొక ఐదు నెలల్లో ఈ మూవీ అందరి ముందుకి రానుంది. అలానే దేవర అనంతరం ఈ మూవీలో వర్క్ చేస్తున్న హీరోయిన్ జాన్వీ కపూర్ పాత్రకు కూడా ఎంతో ప్రధాన్యత ఉంటుందని అంటున్నారు. మొత్తంగా ఈ మూవీతో టాలీవుడ్ లో జాన్వీ కి మరింత మంచి పేరు వస్తుందని తెలుస్తోంది. పెద్దిలో శివరాజ్ కుమార్ తో పాటు దివ్యేందు పాత్రలు కూడా ఆడియన్సు ని అలరిస్తాయని టాక్.
ఆ విధంగా మూవీ స్క్రిప్ట్ ని ఎంతో చక్కగా రాసుకున్న దర్శకుడు బుచ్చిబాబు ఎక్కడా కూడా కాంప్రమైజ్ కాకుండా ప్రతి ఒక్క సీన్ ని ఎంతో అద్భుతంగా తీస్తున్నారట. ఓవరాల్ గా పెద్ది ఘన విజయంతో కెరీర్ పరంగా మెగాపవర్ స్టార్ రామ్ చరణ్ బిగ్గెస్ట్ బ్లాక్ బస్టర్ ఖాయం అని టాక్. ఇక తాజాగా పెద్ది నుండి Chikiri Chikiri అనే పల్లవితో సాగె మెలోడీ సాంగ్ ని యూట్యూబ్ లో రిలీజ్ చేసారు.
రామ్ చరణ్ తో పాటు హీరోయిన్ జాన్వీ కపూర్ ఇద్దరూ కూడా మాస్ లుక్ లో మెరిసిన ఈ సాంగ్ లో చరణ్ స్టైలిష్ స్టెప్స్ కి అందరి నుండి మంచి రెస్పాన్స్ లభిస్తోంది. ముఖ్యంగా ఈ సాంగ్ ఇప్పటికే టాలీవుడ్ లో 24 గంటల్లో అత్యధిక మంది వీక్షించిన సాంగ్ గా ఒక గొప్ప రికార్డుని నమోదు చేసింది. ఈ సాంగ్ లో సంగీత దర్శకుడు ఏ ఆర్ రెహమాన్ అందించిన ట్యూన్ తో పాటు సింగర్ మోహిత్ చౌహన్ వాయిస్, అలానే లిరిసిస్ట్ బాలాజీ అందించిన లిరిక్స్ ఎంతో బాగున్నాయి.
ఓవరాల్ గా ఫస్ట్ సాంగ్ కి ఈ రేంజ్ రెస్పాన్స్ రావడంతో పెద్ది టీమ్ ఆనందం వ్యక్తం చేస్తోంది. ఈ సాంగ్ అనంతరం మూవీ నుండి ఒక్కొకటిగా మిగతా సాంగ్ ని అలానే కంటెంట్ ని ఎంతో జాగ్రత్తగా ప్లాన్ చేసి ప్రేక్షకాభిమానుల ముందుకి తీసుకువచ్చేందుకు ప్లాన్ సిద్ధం చేస్తున్నారట. ఇక పెద్ది అనంతరం మరొక్కసారి సుకుమార్ తో రామ్ చరణ్ జతకడుతున్న మూవీ RC 17. ఈ మూవీని మైత్రి మూవీ మేకర్స్ సంస్థ గ్రాండ్ గా నిర్మించనుంది. ప్రస్తుతం ఈ మూవీ స్క్రిప్ట్ వర్క్ పై సుకుమార్ అండ్ టీమ్ ఉందట.
దర్శకుడు, కథ & రిలీజ్ అంచనాలు
ఇందులో రామ్ చరణ్ పాత్ర ఎంతో పవర్ఫుల్ గా ఉంటుందని అంటున్నారు. అలానే తొలిసారిగా ఈ మూవీ ద్వారా నేషనల్ క్రష్ Rashmika Mandanna రామ్ చరణ్ తో కలిసి నటించే ఛాన్స్ ఉన్నట్లు టాక్. తన గత సినిమాల మాదిరిగా ఈ మూవీకి కూడా రాక్ స్టార్ దేవిశ్రీప్రసాద్ ని సంగీత దర్శకుడిగా తీసుకోనున్నారు సుకుమార్. అయితే ఈ సినిమా అనంతరం Animal, Spirit సినిమాల దర్శకుడు Sandeep Reddy Vanga తో కూడా రామ్ చరణ్ వర్క్ చేసే ఛాన్స్ ఉందని లేటెస్ట్ టాలీవుడ్ బజ్. వాస్తవానికి ప్రస్తుతం ప్రభాస్ తో స్పిరిట్ మూవీ చేస్తున్నారు సందీప్.
Ram Charan Sandeep Reddy Vanga Movie
దాని అనంతరం సూపర్ స్టార్ Mahesh Babu తో ఆయన ఒక మూవీ చేసే ఛాన్స్ ఉందని, వాటి అనంతరం రామ్ చరణ్, అల్లు అర్జున్ లతో వరుసగా సినిమాలు ఉన్నాయని అంటున్నారు. అయితే వీటి పై అధికారికంగా మాత్రం న్యూస్ వెల్లడి కావాల్సి ఉంది. మొత్తంగా కెరీర్ పరంగా ప్రస్తుతం మంచి లైనప్ కలిగిన మెగాపవర్ స్టార్ రామ్ చరణ్ రానున్న ఈ సినిమాలు అన్నిటితో కూడా మంచి విజయాలు సొంతం చేసుకుని నటుడిగా మరింత భారీ స్థాయి క్రేజ్ ని అలానే మార్కెట్ ని అందుకోవాలని అందరం మనస్ఫూర్తిగా కోరుకుందాం.
మరి ఇటువంటి మరిన్ని తాజాగా తెలుగు సినిమాల న్యూస్, అప్ డేట్స్, టాలీవుడ్ న్యూస్, గ్యాలరీస్, మూవీ రివ్యూస్, బాక్సాఫీస్ కలెక్షన్స్ వంటి వాటి కోసం ఎప్పటికప్పుడు మన తెలుగు మూవీ మీడియా డాట్ కామ్ సైట్ ని అందరు ఫాలో అయి సపోర్ట్ చేయండి
What's Your Reaction?